തിരുവനന്തപുരം: തിരുവനന്തപുരം ബാലരാമപുരത്ത് കാണാതായ രണ്ടുവയസ്സുകാരിയെ കിണറ്റില് മരിച്ച നിലയില് കണ്ടെത്തി. ഉറങ്ങിക്കിടന്ന കുട്ടിയെ രാവിലെ മുതല് കാണാനില്ലെന്നായിരുന്നു രക്ഷിതാക്കളുടെ പരാതി.
കോട്ടുകാല്കോണത്ത് നടന്ന സംഭവത്തില് ശ്രീതു-ശ്രീജിത്ത് ദമ്പതികളുടെ മകള് ദേവനന്ദയെയാണ് ഇന്ന് രാവിലെ മുതല് കാണാതായത്. ഫയര്ഫോഴ്സ് നടത്തിയ പരിശോധനയിലാണ് കുഞ്ഞിനെ മരിച്ച നിലയില് കിണറ്റില് കണ്ടത്.
രാവിലെ അഞ്ച് മണിയോടെയാണ് കുഞ്ഞിനെ കാണാതാവുന്നത്. സമാനമായ സമയത്ത് വീട്ടില് സഹോദരങ്ങളുടെ മുറിയില് തീപിടിത്തം നടന്നിരുന്നു. ദാരുണമായ സംഭവമാണെന്ന് എം വിന്സെന്റ് എംഎല്എ പ്രതികരിച്ചു.
താന് വീട്ടിലെത്തുന്ന സമയത്ത് മണ്ണെണ്ണയുടെ മണം ഉണ്ടായിരുന്നുവെന്നും എം വിന്സെന്റ് എംഎല്എ പ്രതികരിച്ചു. കുഞ്ഞ് ഒറ്റയ്ക്ക് പോയി കിണറ്റില് വീഴില്ലെന്ന് ഉറപ്പാണ്. ഒരിക്കലും ഒറ്റയ്ക്ക് പോകില്ല. ആള്മറയുള്ള കിണറാണെന്നും എംഎല്എ സൂചിപ്പിച്ചു.