കാസര്കോട്: കിഴക്കന് ഉത്തര്പ്രദേശില് നിന്ന് തുടങ്ങി മധ്യ മഹാരാഷ്ട്ര, മറാത്ത്വാഡ, കര്ണാടകയുടെ ഉള്പ്രദേശങ്ങള്, കേരളം എന്നിവയ്ക്ക് മുകളിലൂടെ ലക്ഷദ്വീപ് വരെ നീളുന്ന ന്യൂനമര്ദ്ദ പാത്തി രൂപപ്പെട്ടിരിക്കുന്നു.
തെക്കന് ലക്ഷദ്വീപിനോട് ചേര്ന്നുള്ള തെക്കുകിഴക്കന് അറബിക്കടലില് നിന്ന് തുടങ്ങി കേരളം, തെക്കന് കര്ണാടകയുടെ ഉള്പ്രദേശങ്ങള്, റായലസീമ എന്നിവയ്ക്ക് മുകളിലൂടെ തെക്കന് തീരദേശ ആന്ധ്രാപ്രദേശിന് മുകളിലുള്ള ചക്രവാതചുഴി വരെ നീളുന്ന മറ്റൊരു ന്യൂനമര്ദ്ദ പാത്തി തുടരുന്നു. കാലവര്ഷം കേരളത്തില് മെയ് 26 ഓടെ എത്താന് സാധ്യത ( 4 ദിവസം വരെ മുന്നോട്ടോ പിന്നോട്ടോ വ്യത്യാസം വരാം ) . മെയ് 19മുതല് 21 വരെ ഒറ്റപ്പെട്ടയിടങ്ങളില് ശക്തമായ മഴക്കും അതോടൊപ്പം ഇടി മിന്നല് ,മണിക്കൂറില് 40 മുതല് 50 കിലോമീറ്റര് വരെ വേഗതയില് വീശിയേക്കാവുന്ന ശക്തമായ കാറ്റിനും കൂടിയ സാധ്യത. അടുത്ത 5 ദിവസങ്ങളില് കേരളത്തിലും മാഹിയിലും ഒറ്റപ്പെട്ടയിടങ്ങളില് ഇടിമിന്നലോടു കൂടിയ മഴയ്ക്കും ശക്തമായ കാറ്റിനും സാധ്യതയെന്ന് കേന്ദ്ര കാലാവസ്ഥ വകുപ്പ് മുന്നറിയിപ്പ് നല്കി.