കാഞ്ഞങ്ങാട്: ഇന്ത്യന്‍ നാഷണല്‍ കോണ്‍ഗ്രസിന്റെ കലാ-സാംസ്‌കാരിക വിഭാഗമായ കെപിസി സംസ്‌കാര സാഹിതി കാസര്‍കോട് ജില്ലാ കമ്മിറ്റി സംഘടിപ്പിക്കുന്ന സാംസ്‌കാരിക സായാഹ്നം ഒക്ടോബര്‍ 25 ഞായറാഴ്ച വൈകീട്ട് അഞ്ച് മണിക്ക് കാഞ്ഞങ്ങാട് നഗരസഭാ ടൗണ്‍ഹാളില്‍ നടക്കുമെന്ന് സംഘാടകര്‍വാര്‍ത്താ സമ്മേളനത്തില്‍ അറിയിച്ചു. സംസ്‌കാര സാഹിതി സംസ്ഥാന അധ്യക്ഷന്‍ സി.ആര്‍. മഹേഷ് എംഎല്‍എ ഉദ്ഘാടനം ചെയ്യും. ജില്ലാ അധ്യക്ഷന്‍ ബഷീര്‍ ആറങ്ങാടി അധ്യക്ഷത വഹിക്കും.
സന്ദീപ് വാര്യര്‍ എംഎല്‍എ, കെ. നീലകണ്ഠന്‍ എംഎല്‍എ, ഡിസിസി അധ്യക്ഷന്‍ പി.കെ. ഫൈസല്‍ ഉള്‍പ്പെടെയുള്ള നേതാക്കളും സാംസ്‌കാരിക, സാഹിത്യ രംഗത്തെ പ്രമുഖരും പങ്കെടുക്കും.
സാഹിത്യം, ചലച്ചിത്രം, നാടോടിക്കല തുടങ്ങിയ മേഖലകളില്‍ ശ്രദ്ധേയമായ സംഭാവനകള്‍ നല്‍കിയ സംസ്‌കാര സാഹിതി സംസ്ഥാന ഭാരവാഹികളെയും നാടിന്റെ അഭിമാനമായ കലാകാരന്മാരെയും ചടങ്ങില്‍ ആദരിക്കും.
കേരള സംഗീത അക്കാദമി സെക്രട്ടറി എന്‍.വി. പ്രദീപ് കുമാര്‍, നാടോടിക്കല അക്കാദമി സെക്രട്ടറി പ്രദീപ് കുമാര്‍ പയ്യന്നൂര്‍, ചലച്ചിത്ര വികസന കോര്‍പ്പറേഷന്‍ ഉപാധ്യക്ഷന്‍ ആലപ്പി അഷറഫ്, ജില്ലയിലെ കലാ-സാംസ്‌കാരിക പ്രവര്‍ത്തകര്‍ എന്നിവര്‍ക്കാണ് ആദരം നല്‍കുന്നത്.
തുടര്‍ന്ന് ഏകാഭിനയ നൃത്തം, തിരുവാതിരക്കളി, ശാസ്ത്രീയ നൃത്തം, ഭരതനാട്യം തുടങ്ങിയ കലാപരിപാടികള്‍ അരങ്ങേറും.
രാത്രി ഏഴ് മണിക്ക് തിരുവനന്തപുരം സാഹിതി നാടകവേദി അവതരിപ്പിക്കുന്ന ‘ചൊറിയന്‍പുഴു യുദ്ധം’ നാടകവും അരങ്ങേറും.
വാര്‍ത്താസമ്മേളനത്തില്‍ ജില്ലാ അധ്യക്ഷന്‍ ബഷീര്‍ ആറങ്ങാടി, സംസ്ഥാന നിര്‍വാഹക സമിതി അംഗം അഡ്വ. ഗംഗാധരന്‍ കുട്ടമത്ത്, ജില്ലാ പൊതു സംഘാടകന്‍ ദിനേശന്‍ മൂലക്കണ്ടം, ജില്ലാ ഖജാന്‍ജി ഡോ. വിവേക് സുധാകരന്‍, ജില്ലാ സെക്രട്ടറി ഡോ. ദിവ്യ ജിതിന്‍, കാഞ്ഞങ്ങാട് നിയോജകമണ്ഡലം അധ്യക്ഷന്‍ അഡ്വ. ബിജു കൃഷ്ണ, തൃക്കരിപ്പൂര്‍ നിയോജകമണ്ഡലം സംഘാടകന്‍ ടി. രാജീവന്‍ എന്നിവര്‍
സംബന്ധിച്ചു.