കാഞ്ഞങ്ങാട്: കൊല്ലൂര് മൂകാംബിക ദേവി സങ്കല്പമുള്ള ഹോസ്ദുര്ഗ് രാജേശ്വരി മഠത്തില് ക്ഷേത്ര ആവിര്ഭാവത്തിന്റെ കഥാരൂപ രേഖ ചിത്ര സമര്പ്പണ ചടങ്ങും തുളസി തറ സമര്പ്പണവും നടന്നു. 1968ലെ കൊല്ലൂര് മൂകാംബിക ക്ഷേത്ര ദര്ശനത്തില് നിന്നുമാണ് ക്ഷേത്ര ആവിര്ഭാവത്തിനുള്ള സന്ദര്ഭം ഉരു ത്തിരിയുന്നത് . കൊല്ലൂര്മൂകാംബിക ക്ഷേത്ര ദര്ശനത്തിന് കുടുംബം പുറപ്പെടുന്നത് മുതല് ഗംഗോളി പുഴയിലെ തോണി യാത്രയും തേജോമയിയായ അമ്മയുടെ രൂപസാന്നിധ്യവും ക്ഷേത്ര ദര്ശനവും തുടര്ന്ന് ക്ഷേത്ര ഉല്പത്തിക്ക് നിദാനമായ കഥയുമാണ് ഈ രേഖാചിത്രത്തില് വരച്ചുകാട്ടുന്നത്. കെ. കൃഷ്ണനില് നിന്നും ക്ഷേത്ര സര്വ്വാധികാരി കെ. കുഞ്ഞിരാമന് ഭദ്രദീപം സ്വീകരിച്ചുകൊണ്ട് സമര്പ്പണ ചടങ്ങ് നിര്വഹിച്ചു. തുടര്ന്ന് ക്ഷേത്രത്തില് വെള്ളിയാഴ്ച നടക്കുന്ന പൂജയുടെ ഭാഗമായി മഹാപൂജ, ദീപ സമര്പ്പണം, തുലാഭാരം എന്നിവയും നടന്നു. അന്ന പ്രസാദ വിതരണവും നടന്നു.