കാഞ്ഞങ്ങാട്:- ജനകീയമായ കൂട്ടായ്മയിലൂടെ അനുഷ്ഠാന ചടങ്ങുകളും ഉത്സവങ്ങളും നടക്കുന്ന ഉത്തര കേരളത്തിലെ പ്രശസ്തമായ കോട്ടച്ചേരി കുന്നുമ്മല് വിഷ്ണുമൂര്ത്തി ക്ഷേത്രം രണ്ടുദിവസങ്ങളിലായി നടന്ന പ്രതിഷ്ഠാദിന ഉത്സവം ഭക്തിയുടെ നിറവില് സമാപിച്ചു. ക്ഷേത്രത്തിലെ കളിയാട്ട ഉത്സവം 11 മുതല് 16 വരെ വിവിധ ചടങ്ങുകളോട് ജനകീയ കൂട്ടായ്മയില് നടക്കും. ഹെതിഹ്യങ്ങല് സമ്പന്നമായ ലക്ഷ്മി നരസിംഹമൂര്ത്തിയുടെ വിഗ്രഹാരാധനയും ജനകീയമായ കൂട്ടായ്മയില് കളിയാട്ട ഉത്സവവും നിരവധി ഐതിഹ്യങ്ങളാല് സമ്പന്നമായ ഉത്തര കേരളത്തിലെ അപൂര്വ്വം ക്ഷേത്രങ്ങളില് ഒന്നാണ് കാഞ്ഞങ്ങാട് പട്ടണത്തോട് ചേര്ന്ന് നില്ക്കുന്ന കോട്ടച്ചേരി കുന്നുമ്മല് മൂര്ത്തി ക്ഷേത്രം. പ്രതിഷ്ഠാദിന ഉത്സവത്തിന്റെ ഭാഗമായി സോപാനസംഗീതം, മഹാപൂജ,ദീപാരാധന, തായമ്പക, അത്താഴപൂജ, ശ്രീഭൂതബലി, ഭജന, തിടമ്പ് നടത്തം ,സര് വൈശ്വര്യ വിളക്ക് പൂജ അന്നദാനം തുടങ്ങിയ നിരവധി ചടങ്ങുകള് രണ്ട് ദിവസങ്ങളിലായി നടന്ന ഉത്സവത്തിന്റെ ഭാഗമായി നടന്നു.ക്ഷേത്രം തന്ത്രിബ്രഹ്മശ്രീ കെ യു പത്മനാഭ തന്ത്രികളുടെയും ക്ഷേത്രം മേല്ശാന്തി കെ സുരേഷ് ഭട്ട് എന്നിവരുടെ മുഖ്യ കാര്മികത്വത്തിലാണ് ചടങ്ങുകള് നടന്നത്. ഉത്സവത്തിന്റെ ഭാഗമായുള്ള കളിയാട്ട ഉത്സവം ഈ മാസം 11 മുതല് 16 വരെ നടക്കും എല്ലാദിവസവും രാവിലെ ചാമുണ്ഡി, ഉച്ചയ്ക്ക് വിഷ്ണുമൂര്ത്തി, വൈകുന്നേരം ഗുളികന് എന്നീ തെയ്യങ്ങള് അരങ്ങിലെത്തി ഭക്തര്ക്ക് അനുഗ്രഹം നല്കും. എല്ലാ ദിവസവും തുലാഭാരം, വിവിധ പ്രാര്ത്ഥനകളും ഉത്സവത്തിന്റെ ഭാഗമായി നടക്കും. 16ന് ഉച്ചയ്ക്ക് 30 മുതല് 2 .30 വരെ അന്നദാനവും ഉണ്ടാകും