കാസര്കോട്: ഒക്കിനാവന് സീബു ക്കാന് കരാട്ടെ സെന്ററില് പരിശീലനം നേടുന്ന യുവ താരമായ ഷഫീഖ് ഹംസ (വയസ്സ് 15-17) ദേശീയ കരാട്ടെ മത്സര വേദിയില് അഭിമാനകരമായ നേട്ടം സ്വന്തമാക്കി. കൊച്ചിയിലെ ഡിഎന്എ സ്പോര്ട്ട്സ് ഇന്ഡോര് അറിനയില് നടന്ന ദേശീയ കരാട്ടെ ചാമ്പ്യന്ഷിപ്പില് അദ്ദേഹം മികവ് തെളിയിച്ച് നാഷണല് ചാമ്പ്യന് പദവി കരസ്ഥമാക്കി.
രാജ്യത്തിന്റെ വിവിധ ഭാഗങ്ങളില് നിന്നുള്ള മികച്ച മത്സരാര്ത്ഥികള് പങ്കെടുത്ത ഈ ചാമ്പ്യന്ഷിപ്പില്, ഷഫീഖ് തന്റെ ഒക്കിനാവന് സീബു ക്കാന് കരാട്ടെ ശൈലിയുടെ കൃത്യത, ഏകാഗ്രത, നിയന്ത്രണം എന്നിവ പ്രകടിപ്പിച്ച് മത്സര വേദിയില് പ്രത്യേകം ശ്രദ്ധ നേടിയിരുന്നു. ഈ നേട്ടം കൈവരിക്കുന്ന 15- 17 വയസിനുള്ളവരില് കാസര്കോട് ജില്ലയിലെ ആദ്യത്തെ ചാമ്പ്യനാണ് ഷഫീഖ്.
കരാട്ടെ പരിശീലന രംഗത്തിനും, പ്രത്യേകിച്ച് കാസര്കോട് അരമന ബില്ഡിംഗിലെ ഒക്കിനാവന് സീബു ക്കാന് കരാട്ടെ സെന്ററിനും ഒരു വലിയ അഭിമാന നിമിഷമായി മാറി. ഷഫീഖിന്റെ മാതാപിതാക്കളായ ഹംസ കോളിയാട്യും ഷഹ്നാസ്യും മകന്റെ വിജയത്തില് അഭിമാനമര്പ്പിച്ച്, ഭാവിയില് അന്താരാഷ്ട്ര മത്സരങ്ങളിലും ശക്തമായ സാന്നിധ്യമാകും.