കാസര്കോട്: ആസ്റ്റര് മിംസ് കാസര്കോട്, വണ് സൈറ്റ് – എസ്സിലോര് ലക്സോട്ടിക്ക ഫൗണ്ടേഷന് എന്നിവയുടെ പിന്തുണയോടെ, ആസ്റ്റര് ഡിഎം ഹെല്ത്ത്കെയറിന്റെ ആഗോള സിഎസ്ആര് വിഭാഗമായ ആസ്റ്റര് വോളന്റിയര്സ് കാസര്കോട്, മഞ്ചേശ്വരം എന്നിവിടങ്ങളിലെ സ്കൂള് കുട്ടികള്ക്കായി സൗജന്യ പീഡിയാട്രിക് കാഴ്ച പരിശോധന പദ്ധതിയായ ‘ക്ലിയര് സൈറ്റ്’ ആരംഭിച്ചു. മഞ്ചേശ്വരം നിയോജകമണ്ഡലം എംഎല്എ എ.കെ.എം. അഷ്റഫ് ഈ പദ്ധതിക്ക് തുടക്കം കുറിച്ചു. ആസ്റ്റര് മിംസ് ഹോസ്പിറ്റല് കാസര്കോടിന്റെ ചീഫ് ഓപ്പറേറ്റിങ് ഓഫീസര് ഡോക്ടര് സോയ് ജോസഫ് അധ്യക്ഷത വഹിച്ചു. ആസ്റ്റര് വോളന്റിയര്സിന്റെ ഇന്ത്യ ഹെഡ് രോഹന് ഫ്രാങ്കോ, എക്സെല്ലാര് എക്സോട്ടിക്കയുടെ സി എസ് ആര് ഹെഡ് ധര്മ്മപ്രസാദ് റായ് എന്നിവര് മുഖ്യ അതിഥിയായി . പ്രോജക്ടിന്റെ ലക്ഷ്യങ്ങളെ കുറിച്ച് ഒപ്റ്റോമെട്രിസ്റ്റ് കുമാരി. ലുബാബ വിശദീകരിച്ചു. ആസ്റ്റര് മിംസ് കമ്മ്യൂണിറ്റി കണകട് മാനേജര് കെ വി .മധുസൂദനന്, ബിസിനസ് ഹെഡ് വി.വി. വിജീഷ്, ഹ്യൂമണ് റിസോഴ്സ് ഹെഡ് ശ്രുതി ഫ്രാന്സിസ്, സര്വീസ് എക്സലന്സ് കോര്ഡിനേറ്റര് ശ്വേത രാമന് എന്നിവര് സംസാരിച്ചു. ചടങ്ങിന് ഫീല്ഡ് കോര്ഡിനേറ്റര് ഹരിത സ്വാഗതവും, ക്ലിയര് സൈറ്റ് പ്രൊജക്റ്റ് കോര്ഡിനേറ്റര് ഗോപിക നന്ദിയും പറഞ്ഞു.
സ്കൂള് കുട്ടികള്ക്ക് കാഴ്ചശക്തി മെച്ചപ്പെടുത്തുന്നതിലൂടെ അവരുടെ ജീവിത നിലവാരം മെച്ചപ്പെടുത്തുക എന്നതാണ് പദ്ധതിയുടെ പ്രധാന ലക്ഷ്യം. കോഴിക്കോടും എറണാകുളത്തും 2024-ല് വിജയകരമായി നടപ്പിലാക്കിയ പദ്ധതിയാണിത്. ടെസ്റ്റിംഗ് പ്രോട്ടോക്കോളുകള് സ്ഥാപിക്കുന്നതും കുട്ടികള്ക്ക് രോഗനിര്ണയം ലഭിച്ചാലുടന് പ്രീഫാബ്രിക്കേറ്റഡ് കണ്ണടകള് സൗജന്യമായി നല്കുന്നതും ഇതില് ഉള്പ്പെടുന്നു. കുട്ടികള്ക്കിടയില് വ്യാപകമായ മയോപിയയെ ചെറുക്കുന്നതിന് ഈ പദ്ധതിലക്ഷ്യമിടുന്നു.