കാഞ്ഞങ്ങാട് : കെ എസ് ഇ ബി ആന്റി പവര് തെഫ്റ്റ് സ്ക്വാഡ് കഴിഞ്ഞ സാമ്പത്തിക വര്ഷം 288 വൈദ്യുതി മോഷണവും കണ്ടെത്തി. ഈ കാലയളവില് 41.14 കോടിരൂപ . പിഴയിലാക്കി. 31,213 പരിശോധനകള് നടത്തിയ സ്ക്വാഡ് 4252 വൈദ്യുതി ദുരുപയോഗവും കണ്ടെത്തിയിരുന്നു.
2025 ഏപ്രില്, മെയ് മാസങ്ങളിലായി നടത്തിയ 4149 പരിശോധനകളില് 779 വൈദ്യുതി ദുരുപയോഗവും 30 മോഷണവും കണ്ടെത്തിയിട്ടുണ്ട്. 9.38 കോടി രൂപയാണ് ഇക്കാലയളവില് പിഴചുമത്തിയത്. പിഴ ഒടുക്കാത്തതിനാല് ഒരാള്ക്കെതിരെ ക്രിമിനല് കേസും രജിസ്റ്റര് ചെയ്തിട്ടുണ്ട്.
വൈദ്യുതി മോഷണം ക്രിമിനല് കുറ്റമാണ്. കണ്ടുപിടിക്കപ്പെട്ടാല് ഇലക്ട്രിസിറ്റി ആക്ട് 2003, സെക്ഷന് 135 പ്രകാരം വൈദ്യുതി ബന്ധം വിച്ഛേദിക്കുകയും പിഴ ചുമത്തുകയും ജാമ്യമില്ലാ വകുപ്പ് അനുസരിച്ചു കേസെടുക്കുകയും ചെയ്യും. ഇതിനു മൂന്നുവര്ഷം വരെ തടവുശിക്ഷ ലഭിക്കാം. വൈദ്യുതി മോഷണം നടത്തുന്നവര് തെറ്റ് മനസിലാക്കി സ്വമേധയാ കെഎസ്ഇബിയെ അറിയിച്ച് പിഴ അടച്ചാല് ശിക്ഷാനടപടികളില് നിന്നും ഒഴിവാക്കും. ഇത്തരത്തില് തെറ്റ്തിരുത്തുവാന് ഒരാള്ക്ക് ഒരവസരം മാത്രമേ ലഭിക്കൂ. വൈദ്യുതി മോഷണം സംബന്ധിച്ച വിവരങ്ങള് കെ എസ് ഇ ബിയുടെ സെക്ഷന് ഓഫീസുകളിലോ ആന്റി പവര് തെഫ്റ്റ് സ്ക്വാഡിന്റെ തിരുവനന്തപുരം വൈദ്യുതി ഭവനിലെ സംസ്ഥാന കാര്യാലയത്തിലോ ജില്ലാ കാര്യാലയങ്ങളിലോ ഓഫീസ് സമയത്ത് വിളിച്ച് അറിയിക്കാന് കഴിയും. 9496010101 എന്ന എമര്ജന്സി നമ്പരില് വിളിച്ചും വാട്സാപ്പ് സന്ദേശമയച്ചും വിവരങ്ങള് അറിയിക്കാം. വൈദ്യുതി ദുരുപയോഗം സംബന്ധിച്ച വിവരങ്ങള്ക്കൊപ്പം കൃത്യമായ സ്ഥലവിവരണവും സെക്ഷന് ഓഫീസിന്റെ പേരും ചേര്ക്കുന്നത് ഉചിതമായിരിക്കും.
വൈദ്യുതി മോഷണം സംബന്ധിച്ച വിവരങ്ങള് നല്കുന്നയാള്ക്ക് കെ എസ് ഇ ബി പാരിതോഷികം നല്കും. പിഴ തുക പൂര്ണ്ണമായി ഈടാക്കി അപ്പീലുകളുണ്ടെങ്കില് അവയും തീര്പ്പാക്കിയശേഷം കോമ്പൗണ്ടിംഗ് ചാര്ജൊഴിക അധികം ഈടാക്കിയ തുകയുടെ 5 ശതമാനം അഥവാ പരമാവധി 50,000 രൂപവരെ പാരിതോഷികമായി ലഭിക്കും. വിവരങ്ങള് കൈമാറുന്ന ആളിന്റെ വിശദാംശങ്ങള് തികച്ചും രഹസ്യമായി സൂക്ഷിക്കും.
ആന്റി പവര് തെഫ്റ്റ് സ്ക്വാഡ് സംസ്ഥാന, ജില്ലാ കാര്യാലയങ്ങളുടെ ഫോണ് നമ്പര് ചുവടെ.
വൈദ്യുതി ഭവന്, തിരുവനന്തപുരം – 0471 -2444554
തിരുവനന്തപുരം 9446008154, 8155
കൊല്ലം 9446008480, 8481
പത്തനംതിട്ട (തിരുവല്ല) 9446008484, 8485
ആലപ്പുഴ 9496018592, 18623
കോട്ടയം 9446008156, 8157
ഇടുക്കി (വാഴത്തോപ്പ്) 9446008164, 8165
എറണാകുളം 9446008160, 8161
തൃശ്ശൂര് 9446008482, 8483
പാലക്കാട് 9446008162, 8163
മലപ്പുറം 9446008486, 8487
കോഴിക്കോട് 9446008168, 8169
വയനാട് (കല്പ്പറ്റ) 9446008170, 8171
കണ്ണൂര് 9446008488, 8489
കാസര്കോട് 9446008172, 8173
കോള് സെന്റര് നം. : 1912, 9496 01 01 01 (കോള്&വാട്സാപ്)