കൊച്ചി: പ്രമുഖ ക്രിമിനല് അഭിഭാഷകന് ബിഎ ആളൂര് നിര്യാതനായി. വൃക്ക തകരാറിനെ തുടര്ന്ന് എറണാകുളം ലിസി ആശുപത്രിയില് ചികിത്സയിലായിരുന്നു. സൗമ്യ വധക്കേസില് ഗോവിന്ദച്ചാമിക്ക് വേണ്ടി വാദിക്കാന് എത്തിയതോടെയാണ് ബിഎ ആളൂര് എന്ന അഭിഭാഷകനെ ശ്രദ്ധിച്ചു തുടങ്ങുന്നത്. ബിജു ആന്റണി ആളൂര് എന്നാണ് മുഴുവന് പേര്. തൃശൂര് സ്വദേശിയാണ്. തൃശൂര് സെന്റ് തോമസ് കോളേജിലായിരുന്നു പഠനം.
ഗേവിന്ദച്ചാമിയുടെ കേസില് ഹാജരായതോടെ ആളൂരിന് വലിയ മാദ്ധ്യമശ്രദ്ധയാണ് ലഭിച്ചത്. പിന്നീട് കേരളം കണ്ട ക്രൂര ബലാത്സംഗ കേസുകളിലെ പ്രതികള്ക്ക് വേണ്ടി ഹാജരാകാന് ആളൂര് എത്തി. ജിഷ വധക്കേസ് പ്രതി അമീറുല് ഇസ്ലാമിന് വേണ്ടിയും ആളൂരാണ് ഹാജരായത്. 1999ല് ആണ് ആളൂര് അഭിഭാഷകനായി എന്റോള് ചെയ്യുന്നത്. നാല് വര്ഷത്തോളം കേരളത്തിലെ വിവിധ കോടതികളില് പ്രാക്ടീസ് ചെയ്തു. ക്രിമിനല് കേസുകള്ക്ക് തന്നെയായിരുന്നു തുടക്കം മുതല് പ്രാധാന്യം കൊടുത്തത്.
പ്രമുഖ ക്രിമിനല് അഭിഭാഷകന് ബിഎ ആളൂര് അന്തരിച്ചു
