കൊച്ചി: മുതിര്ന്ന കോണ്ഗ്രസ് നേതാവ് ഡോ.ശൂരനാട് രാജശേഖരന് അന്തരിച്ചു. എറണാകുളത്തെ സ്വകാര്യ ആശുപത്രിയില് പുലര്ച്ചെ നാലരയോടെയായിരുന്നു അന്ത്യം. ദീര്ഘനാളായി അര്ബുദ ബാധിതനായി ചികിത്സയിലായിരുന്നു. നിലവില് കെ പി സി സി രാഷ്ട്രീയകാര്യ സമിതി അംഗവും വീക്ഷണം മാനേജിംഗ് എഡിറ്ററുമാണ്. സംസ്കാരം വൈകിട്ട് അഞ്ച് മണിക്ക് വീട്ടുവളപ്പില് നടക്കും. കൊല്ലം ശാസ്താംകോട്ട ഡി ബി കോളേജില് കെ എസ് യു പ്രവര്ത്തകനായാണ് ശൂരനാട് രാജശേഖരന് രാഷ്ട്രീയ ജീവിതം ആരംഭിച്ചത്. തുടര്ന്ന് കെ എസ് യു സംസ്ഥാന ഭാരവാഹി, കൊല്ലം ഡി സി സി പ്രസിഡന്റ്, കെ പി സി സി ജനറല് സെക്രട്ടറി എന്നീ സ്ഥാനങ്ങള് വഹിച്ചു. ലോക്സഭയിലേക്കും നിയമസഭയിലേക്കും ഓരോ തവണ മത്സരിച്ചിട്ടുണ്ട്. കെ പി സി സി മാദ്ധ്യമവിഭാഗം ചെയര്മാന്, കേരള സ്പോര്ട്സ് കൗണ്സില് പ്രസിഡന്റ് എന്നീ നിലകളില് പ്രവര്ത്തിച്ചിട്ടുണ്ട്.
മുതിര്ന്ന കോണ്ഗ്രസ് നേതാവ് ശൂരനാട് രാജശേഖരന് അന്തരിച്ചു
