അഞ്ചാംവയൽ താനത്തിങ്കാൽ വയനാട്ടുകുലവൻ ദേവസ്ഥാനത്ത് ബാലാലയ പ്രതിഷ്ഠയും നാൾ മുറിക്കൽ ചടങ്ങും നവീകരണ കമ്മിറ്റി രൂപീകരണ യോഗവും നടന്നു
കോട്ടപ്പാറ : വാഴക്കോട് അഞ്ചാംവയൽ താനത്തിങ്കാൽ വയനാട്ടുകുലവൻ ദേവസ്ഥാനത്ത് ബാലാലയ പ്രതിഷ്ഠയും നാൾ മുറിക്കൽ ചടങ്ങും നവീകരണ കമ്മിറ്റി രൂപീകരണ യോഗവും നടന്നു. ദേവസ്ഥാനം പ്രസിഡൻ്റ് രാമകൃഷ്ണൻ കരിച്ചേരി അധ്യക്ഷനായി.സാമൂഹ്യ പ്രവർത്തകൻ എ. വേലായുധൻ മുഖ്യപ്രഭാഷണം നടത്തി. കോയ്മ ബാലകൃഷ്ണൻ നായർ ചെറക്കര , രക്ഷാധികാരി കരിച്ചേരി നാരായണൻ നായർ,ദാമു വെളിച്ചപ്പാടൻ,സെക്രട്ടറി കെ. വിജയൻ കുന്നുമ്മൽ, പ്രോംരാജ് കാലിക്കടവ്, രാജൻ വട്ടക്കയം, മാതൃസമതി പ്രസിഡൻ്റ് ശ്രീലത അഞ്ചാംവയൽ, സെക്രട്ടറി ജ്യോതി രാധാകൃഷ്ണൻ,ട്രഷറർ ബാലമണി എന്നിവർ സംസാരിച്ചു.ജോയിൻ്റ് സെക്രട്ടറി സുനിൽ മുല്ലച്ചേരി സ്വാഗതവും വിനോദ് ശിവജി നഗർ നന്ദിയും പറഞ്ഞു. മീങ്ങോത്ത് തമ്പാൻ എന്നവരുടെ പറമ്പിൽ ബാബു ആചാരി കാർമികത്വത്തിൽ നാൾ മരം മുറിക്കൽ ചടങ്ങും വേണു വെളിച്ചപ്പാടൻ, ഷിബിൻ രാജ് (അപ്പു വെളിച്ചപ്പാടൻ),തറവാട് സ്ഥാനികൻ രവി പനക്കാൽ എന്നിവരുടെ നേതൃത്വത്തിൽ ബാലാലയ പ്രതിഷ്ഠ ചടങ്ങുകളും നടന്നു. ഭാരവാഹികളായി പ്രേംരാജ് കാലിക്കടവ് (ചെയർമാൻ), പി.വി സുരേഷ് അഞ്ചാം വയൽ (വർക്കിംഗ് ചെയർമാൻ) രാജൻ വട്ടക്കയം (ജനറൽ കൺവീനർ),ഷിബു മൂന്നാ മൈൽ (ട്രഷറർ) എന്നിവരെ തിരഞ്ഞെടുത്തു .