കൊച്ചി: നടന് മോഹന്ലാലിന്റെ മാതാവ് ശാന്തകുമാരി (90) അന്തരിച്ചു. വാര്ധക്യസഹജമായ അസുഖങ്ങളെത്തുടര്ന്ന് ഏറെ നാളുകളായിചികിത്സയിലായിരുന്നു. കൊച്ചി എളമക്കരയിലെ മോഹന്ലാലിന്റെ വസതിയിലായിരുന്നു താമസം. പരേതനായ വിശ്വനാഥന് നായരാണ് ഭര്ത്താവ്. മൂത്തമകന് പ്യാരിലാല് 2000 ല് മരണപ്പെട്ടിരുന്നു. അമ്മയുമായി അതീവ ഹൃദയബന്ധം പുലര്ത്തിയിരുന്ന മോഹന്ലാല്, തിരക്കുകള്ക്കിടയിലും അമ്മയുടെ പരിചരണത്തിനായി സമയം കണ്ടെത്തിയിരുന്നു. മോഹന്ലാലിന്റെ സിനിമാ ജീവിതത്തിലെ വലിയൊരു സ്വാധീനമായിരുന്നു ശാന്തകുമാരി. പല വേദികളിലും അദ്ദേഹം അത് തുറന്നുപറയുകയും ചെയ്തിട്ടുണ്ട്. അടുത്തിടെ തനിക്ക് ലഭിച്ച ദാദാ സാഹേബ് ഫാല്ക്കേ പുരസ്കാര നേട്ടം അമ്മയ്ക്കൊപ്പം പങ്കുവെക്കാന് സാധിച്ചത് വലിയ ഭാഗ്യമെന്ന് മോഹന്ലാല് പ്രതികരിച്ചിരുന്നു. പുരസ്കാരം ലഭിച്ചവിവരം അറിഞ്ഞ് നടന് ആദ്യം സന്ദര്ശിച്ചതും അമ്മയെ ആയിരുന്നു.
മോഹന്ലാലിന്റെ അമ്മ ശാന്തകുമാരി അന്തരിച്ചു
