നീലേശ്വരം: നീലേശ്വരം നഗരസഭാ ചെയര്മാനായി എല്ഡി എഫിലെ പി.പി.മുഹമ്മദ് റാഫിയെ തിരഞ്ഞെടുത്തു. യുഡിഎഫിലെ ഇ ഷജീറിനെ 13 നെതിരെ 21 വോട്ടുകള്ക്ക് പരാജയപ്പെടുത്തിയാണ് റാഫി ചെയര്മാനായി തിരഞ്ഞെടുക്കപ്പെട്ടത്. കണിച്ചിറ വാര്ഡില് നിന്നുമാണ് മുഹമ്മദ്റാഫിയെ നഗരസഭാ കൗണ്സിലറായി തിരഞ്ഞെടുത്തത്. മുഹമ്മദ്റാഫിയെ എ.വി.സുരേന്ദ്രന് നിര്ദ്ദേശിക്കുകയും പി.വി.സതീശന് പിന്താങ്ങുകയും ചെയ്തു. ഷജീറിനെ എ.രാജം നിര്ദ്ദേശിച്ചു. മുസ്ലിം ലീഗിലെ എന് എ നദീറ പിന്താങ്ങി. സിപിഎം ജില്ലാ കമ്മറ്റി അംഗമാണ് മുഹമ്മദ് റാഫി.