രണ്ടാംഘട്ട തിരഞ്ഞെടുപ്പില് ആകെ 18274 പോളിങ് സ്റ്റേഷനുകളാണുളളത്. ഇതില് 2055 എണ്ണം പ്രശ്നബാധിത ബൂത്തുകളായി റിപ്പോര്ട്ട് ചെയ്തിട്ടുണ്ട്. തൃശൂര്- 81, പാലക്കാട്- 180, മലപ്പുറം- 295, കോഴിക്കോട്- 166, വയനാട്- 189, കണ്ണൂര്- 1025 , കാസര്ഗോഡ്- 119 എന്നിങ്ങനെയാണ് പ്രശ്ന ബാധിത ബൂത്തുകളുടെ ജില്ല തിരിച്ചുള്ള എണ്ണം. ഈ ബൂത്തുകളില് അതീവ സുരക്ഷാക്രമീകരണങ്ങളും വെബ്കാസ്റ്റിംഗ് സംവിധാനങ്ങളും ഒരുക്കിയിട്ടുണ്ട്. കൂടാതെ അധിക പോലീസ് സുരക്ഷയും ഏര്പ്പെടുത്തിയിട്ടുണ്ട്. പ്രശ്നബാധിത ബൂത്തുകളിലെ വോട്ടെടുപ്പ് പ്രക്രിയ പൂര്ണ്ണമായും സംസ്ഥാന തിരഞ്ഞെടുപ്പ് കമ്മീഷന്റെ നേരിട്ടുള്ള നിരീക്ഷണത്തിലായിരിക്കും. ഇതോടൊപ്പം അതത് ജില്ലാ കളക്ടറേറ്റുകളില് സജ്ജീകരിച്ചിട്ടുള്ള കണ്ട്രോള് റൂമുകളിലും പ്രശ്നബാധിത ബൂത്തുകളില് ഏര്പ്പെടുത്തിയ ലൈവ് വെബ്കാസ്റ്റിങിലൂടെ നിരീക്ഷിക്കും. സിറ്റി പോലീസ് കമ്മീഷനര്മാരുടെയും ജില്ലാ പോലീസ് മേധാവികളുടെയും നേതൃത്വത്തിലാണ് ജില്ലകളില് നിരീക്ഷണം നടത്തുന്നത്.
ബൂത്തുകളില് എന്തെങ്കിലും അസാധാരണ നടപടി കണ്ടാല് ഉടന് തന്നെ കമ്മീഷന് ഇടപെട്ട് നടപടി സ്വീകരിക്കും. ബൂത്തിനുളളില് അതിക്രമിച്ചു കയറുകയോ, കൂട്ടംകൂടി നിന്ന് തിരഞ്ഞെടുപ്പിന്റെ സുഗമമായ പ്രവര്ത്തനങ്ങള്ക്ക് തടസ്സമുണ്ടാക്കുകയോ ചെയ്യുന്നവര്ക്കെതിരെ കര്ശന നടപടി സ്വീകരിക്കാന് ഉടന് പോലീസിന് നിര്ദ്ദേശം നല്കും. തിരഞ്ഞെടുപ്പ്കമ്മീഷന് ആസ്ഥാനത്ത് രണ്ട് കണ്ട്രോള് റൂമുകളാണ് പ്രവര്ത്തിക്കുന്നത്. തിരഞ്ഞെടുപ്പ്ക മ്മീഷനിലെ ഉദ്യോഗസ്ഥര്ക്ക് പുറമെ പോലീസ്, എക്സൈസ്, ബിഎസ്എന്എല്, ഐകെഎം, മോട്ടോര്വാഹനവകുപ്പ്, കെല്ട്രോണ് എന്നിവിടങ്ങളിലെ ഉദ്യോഗസ്ഥരുമാണ് നിരീക്ഷണം നടത്തുന്നത്.
(എസ്.ഇ.സി 122/ 2025)
പോളിങ് ഏജന്റ് നിയമനം
തദ്ദേശസ്ഥാപനങ്ങളിലേയ്ക്കുള്ള പൊതുതിരഞ്ഞെടുപ്പില് ഒരു വാര്ഡിലെ പോളിങ് സ്റ്റേഷനില് പോളിങ് ഏജന്റായി നിയമിക്കപ്പെടുന്ന ആള് ആ വാര്ഡിലെ വോട്ടര് ആയിരിക്കണമെന്ന് നിര്ബന്ധമില്ലെന്ന് സംസ്ഥാന തിരഞ്ഞെടുപ്പ് കമ്മീഷന് വ്യക്തമാക്കി.
(എസ്.ഇ.സി 123/ 2025)
രണ്ടാം ഘട്ട വോട്ടെടുപ്പ് ഇന്ന് (ഡിസം.11)
ഏഴ് ജില്ലകളിലായി 15337176 വോട്ടര്മാരും 38994 സ്ഥാനാര്ത്ഥികളും
തദ്ദേശ പൊതുതിരഞ്ഞെടുപ്പിനുള്ള രണ്ടാംഘട്ട വോട്ടെടുപ്പ് ഇന്ന് (ഡിസംബര് 11) രാവിലെ 7 ന് തുടങ്ങും. വൈകുന്നേരം 6 മണിവരെയാണ് വോട്ടെടുപ്പ്. തൃശൂര്, പാലക്കാട്, മലപ്പുറം, കോഴിക്കോട്, വയനാട്, കണ്ണൂര്, കാസര്ഗോഡ് ജില്ലകളിലെ 604 തദ്ദേശ സ്ഥാപനങ്ങളിലെ (ഗ്രാമപഞ്ചായത്ത് – 470, ബ്ലോക്ക് പഞ്ചായത്ത് – 77, ജില്ലാ പഞ്ചായത്ത് – 7, മുനിസിപ്പാലിറ്റി – 47, കോര്പ്പറേഷന് – 3) 12391 വാര്ഡുകളിലേയ്ക്കാണ് (ഗ്രാമ പഞ്ചായത്ത് വാര്ഡ് – 9015, ബ്ലോക്ക് പഞ്ചായത്ത് വാര്ഡ് – 1177, ജില്ലാ പഞ്ചായത്ത് വാര്ഡ് – 182, മുനിസിപ്പാലിറ്റി വാര്ഡ് – 1829, കോര്പ്പറേഷന് വാര്ഡ് – 188) ഇന്ന് (ഡിസംബര് 11) വോട്ടെടുപ്പ് നടക്കുന്നത്.
ആകെ 15337176 വോട്ടര്മാരാണ് പട്ടികയിലുള്ളത് (പുരുഷന്മാര് – 7246269, സ്ത്രീകള് – 8090746, ട്രാന്സ്ജെന്ഡര് – 161). 3293 പ്രവാസി വോട്ടര്മാരും പട്ടികയിലുണ്ട്. ആകെ 38994 സ്ഥാനാര്ത്ഥികളാണ് (18974 പുരുഷന്മാരും, 20020 സ്ത്രീകളും) മത്സരിക്കുന്നത്. ഗ്രാമപഞ്ചായത്ത് വാര്ഡുകളിലേയ്ക്ക് 28274 ഉം, ബ്ലോക്ക് പഞ്ചായത്തിലേയ്ക്ക് 3742 ഉം, ജില്ലാ പഞ്ചായത്തിലേയ്ക്ക് 681 ഉം, മുനിസിപ്പാലിറ്റികളിലേയ്ക്ക് 5546 ഉം, കോര്പ്പറേഷനുകളിലേയ്ക്ക് 751 ഉം സ്ഥാനാര്ത്ഥികളുമാണ് മത്സരരംഗത്തുള്ളത്. കാന്ഡിഡേറ്റ് സെറ്റിങ് കഴിഞ്ഞ 18274 കണ്ട്രോള് യൂണിറ്റും 49019 ബാലറ്റ് യൂണിറ്റും പോളിങ്ങിനായി തയ്യാറായി കഴിഞ്ഞു. 2631 കണ്ട്രോള് യൂണിറ്റും 6943 ബാലറ്റ് യൂണിറ്റും റിസര്വ്വായി കരുതിയിട്ടുണ്ട്.
തദ്ദേശ തിരഞ്ഞെടുപ്പ് രണ്ടാംഘട്ടത്തില് കണ്ണൂര് ജില്ലയിലെ ആന്തൂര് മുന്സിപ്പാലിറ്റിയിലെ 5 വാര്ഡുകളില് എതിരില്ലാതെ തിരഞ്ഞെടുക്കപ്പെട്ടതിനാലും മലപ്പുറം ജില്ലയിലെ മൂത്തേടം പഞ്ചായത്തിലെ പായിമ്പാടം ഏഴാം വാര്ഡില് സ്ഥാനാര്ത്ഥി മരിച്ചതിനെ തുടര്ന്നും വോട്ടെടുപ്പ് ഉണ്ടായിരിക്കുന്നതല്ല. കാസര്കോട് ജില്ലയിലെ 2 ഗ്രാമ പഞ്ചായത്തുകളിലെ ഓരോ വാര്ഡിലും കണ്ണൂര് ജില്ലയിലെ ആന്തൂര് മുനിസിപ്പാലിറ്റിയിലെ 5 വാര്ഡുകളിലും 2 ഗ്രാമപഞ്ചായത്തുകളിലായി 9 വാര്ഡുകളിലും സ്ഥാനാര്ത്ഥികള് എതിരില്ലാതെ തിരഞ്ഞെടുക്കപ്പെട്ടു. കണ്ണൂരില് ആന്തൂര് മുനിസിപ്പാലിറ്റിയിലെ മൊറാഴ, കൊടല്ലൂര്, തളിയില്, പൊടികുണ്ഡ്, അന്ജംപീഡിക എന്നീ വാര്ഡുകളില് സ്ഥാനാര്ത്ഥികള് എതിരില്ലാതെ തിരഞ്ഞെടുക്കപ്പെട്ടതിനാല് അവിടങ്ങളില് വോട്ടെടുപ്പില്ല.മലപ്പുറം ജില്ലയിലെ മൂത്തേടം പഞ്ചായത്തിലെ പായിമ്പാടം ഏഴാം വാര്ഡിലെ യുഡിഎഫ് സ്ഥാനാര്ത്ഥി ഹസീന മരണപ്പെട്ടതിനാല് ആ വാര്ഡിലെ വോട്ടെടുപ്പു മാറ്റിവച്ചിട്ടുണ്ട്. കാസര്കോട് ജില്ലയിലെ മംഗല്പാടി, മടിക്കൈ ഗ്രാമപഞ്ചായത്തുകളില് ഓരോ വാര്ഡുകളിലും കണ്ണൂര് ജില്ലയിലെ കണ്ണാപുരം ഗ്രാമപഞ്ചായത്തില് 6 വാര്ഡിലും മലപ്പട്ടം ഗ്രാമപഞ്ചായത്തിലെ 3 വാര്ഡുകളിലും സ്ഥാനാര്ത്ഥികള് എതിരില്ലാതെ തിരഞ്ഞടുക്കപ്പെട്ടതിനാല് ഗ്രാമപഞ്ചായത്ത് വാര്ഡിലേക്ക് വോട്ടെടുപ്പ് ഉണ്ടാകില്ല. എന്നാല് അതത് പോളിംഗ് ബൂത്തുകളില് ബ്ലോക്ക്, ജില്ലാ പഞ്ചായത്തുകളിലേക്കുള്ള വോട്ടെടുപ്പ്നടക്കും.