കാസര്കോട് :അടുത്ത മൂന്ന് ദിവസം കാസര്കോട് ജില്ലയില് റെഡ് അലെര്ട്ടും മഴ അതി ശക്തമാകുമെന്നുള്ള കാലാവസ്ഥ വകുപ്പിന്റെ മുന്നറിയിപ്പും പരിഗണിച്ച് ബീച്ചുകളിലും റാണിപുരം ഉള്പ്പെടെയുള്ള വിനോദസഞ്ചാരകേന്ദ്രങ്ങളിലേക്കും യാത്രകള്ക്ക് നിയന്ത്രണം ഏര്പ്പെടുത്തിയതായി ജില്ലാ കളക്ടര് കെ ഇമ്പശേഖര് ഐഎഎസ് അറിയിച്ചു. മുന്നറിയിപ്പുകള് പിന്വലിക്കുന്നത് വരെ നിയന്ത്രണങ്ങള് തുടരും. ക്വാറികള് പ്രവര്ത്തനം താല്ക്കാലികമായി നിര്ത്തിവക്കേണ്ടതാണ്. -അപകട സാധ്യതയുള്ള മരങ്ങള്, മരച്ചില്ലകള് എന്നിവ മുറിച്ചു മാറ്റാന് വേണ്ട നടപടികള് സ്വീകരിക്കണമെന്നും കലക്ടര് നിര്ദേശിച്ചു