കണ്ണൂര് മുഴപ്പിലങ്ങാട്ടെ ബി.ജെ.പി പ്രവര്ത്തകന് സൂരജിനെ വെട്ടിക്കൊന്ന കേസില് ഒമ്പത് സി.പി.എമ്മുകാര് കുറ്റക്കാരെന്ന് കോടതി. തലശ്ശേരി ജില്ലാ സെഷന്സ് കോടതിയാണ് ഇവരെ കുറ്റക്കാരെന്ന് വിധിച്ചത്. പത്താം പ്രതിയെ തെളിവില്ലെന്ന് കണ്ട് വെറുതെ വിട്ടു. ടി.പി. ചന്ദ്രശേഖരന് വധക്കേസ് പ്രതി ടി.കെ. രജീഷാണ് നിലവില് ഒന്നാംപ്രതി. രണ്ട് പ്രതികള് വിചാരണക്കിടെ മരണപ്പെട്ടിരുന്നു. എന്.വി. യാഗേഷ്, കെ ഷംജിത്ത്, നെയ്യോത്ത്’ സജീവന്, പണിക്കന്റവിട വീട്ടില് പ്രഭാകരന്, പുതുശേരി വീട്ടില് കെ.വി പത്മനാഭന്, മനോമ്പേത്ത് രാധാകൃഷ്ണന്, നാഗത്താന്കോട്ട പ്രകാശന് എന്നിവരാണ് ശിക്ഷിക്കപ്പെട്ട മറ്റുള്ളവര്. കൊലപാതകം, ഗൂഢാലോചന തുടങ്ങിയവയാണ് കുറ്റങ്ങള്. നേരത്തെ ഒന്നാം പ്രതിയായിരുന്ന പി.കെ ഷംസുദ്ദീനും പന്ത്രണ്ടാം പ്രതി ടി.പി രവീന്ദ്രനും വിചാരണക്കിടെ മരണപ്പെട്ടിരുന്നു
ബി.ജെ.പി പ്രവര്ത്തകന് സൂരജ് വധം: ഒമ്പത് സി.പി.എമ്മുകാര് കുറ്റക്കാര്
