കാഞ്ഞങ്ങാട് : വെള്ളരിക്കുണ്ടില് വനം മന്ത്രിമന്ത്രി എ.കെ. ശശീന്ദ്രന് നേരെ കരിങ്കൊടി. യൂത്ത് കോണ്ഗ്രസ് പ്രവര്ത്തകര് ആണ് കരിങ്കൊടി കാണിച്ചത്. വെള്ളരിക്കുണ്ടില് ഇന്നലെ വിവിധ പരിപാടികള്ക്കെത്തിയ മന്ത്രിക്ക് നേരെയാണ് വെള്ളരിക്കുണ്ട് താലൂക്ക് ഓഫീസ് പരിസരത്ത് യൂത്ത് കോണ്ഗ്രസ് കരിങ്കൊടി കാട്ടിയത്. ശക്തമായ പൊലീസ് സാന്നിധ്യത്തിലായിരുന്നു മന്ത്രിയെത്തിയത്. ഫോറസ്റ്റ് ഉദ്യോഗസ്ഥരുമെത്തിയിരുന്നു. ജില്ലാ ജനറല് സെക്രട്ടറി മാര്ട്ടിന് ജോര്ജ്, വെസ്റ്റ് എളേരി മണ്ഡലം യൂത്ത് കോണ്ഗ്രസ് പ്രസിഡന്റ് ജോബിന് മണി, കാഞ്ഞങ്ങാട് നിയോജക മണ്ഡലം വൈസ് പ്രസിഡന്റ് രഞ്ജിത്ത് അരിങ്കല്ല് എന്നിവരാണ് അറസ്റ്റിലായത്. വെള്ളരിക്കുണ്ട് പോലീസ് കേസെടുത്തു. വന്യജീവികള് മലയോര മേഖലയിലെ കര്ഷകരുടെ ജീവനെടുക്കുകയും കൃഷിയും ജീവിത സൗകര്യങ്ങളും നശിപ്പിക്കുകയും ചെയ്യുമ്പോള് ഇടപെടാതെ പാട്ടും പാടി നടക്കുന്ന വനം വകുപ്പ് മന്ത്രിക്കെതിരെയുള്ള പ്രതിഷേധമാണ് കരിങ്കൊടി കാട്ടിയതിലൂടെ പ്രകടമാക്കിയതെന്ന് യൂത്ത് കോണ്ഗ്രസ് നേതാക്കള് പറഞ്ഞു.
വനം മന്ത്രി എ.കെ. ശശീന്ദ്രന് നേരെ കരിങ്കൊടി വീശിയ യൂത്ത് കോണ്ഗ്രസ് നേതാക്കള് അറസ്റ്റില്
