കൊച്ചി:അപകീര്ത്തിയെപെടുത്തുന്നുമായി ബന്ധപ്പെട്ട സിനിമ നടി ഹണി റോസ് നല്കിയ പരാതിയുടെ അടിസ്ഥാനത്തില് വ്യവസായി ബോബി ചെമ്മണൂര് കസ്റ്റഡില്. സ്ത്രീകള്ക്കുനേരേ അശ്ലീലപരാമര്ശം നടത്തുക, അത്തരം പരാമര്ശങ്ങള് സാമൂഹികമാധ്യമങ്ങളിലൂടെ പ്രചരിപ്പിക്കല് എന്നീ കുറ്റകൃത്യങ്ങളാണ് ചുമത്തിയിരിക്കുന്നത്.
വയനാട്ടിലെ ഉടമസ്ഥതയിലുള്ള റിസോര്ട്ടില് നിന്നാണ് ബോബി ചെമ്മണ്ണൂരിനെ കസ്റ്റഡിയിലെടുത്തത്. ബോബി ചെമ്മണ്ണൂരിന്റെ നീക്കങ്ങള് പോലീസ് നിരീക്ഷിച്ച് വരികയായിരുന്നു. വയനാട്ടിലേക്കുള്ള റിസോര്ട്ടിലേക്ക് ഇയാള് മാറിയെന്ന് പോലീസിന് വിവരം ലഭിച്ചിരുന്നു. തുടര്ന്ന് കൊച്ചി പോലീസ് വയനാട് പോലീസിന് വിവരം കൈമാറുകയായിരുന്നു. കൊച്ചിയില് നിന്നെത്തിയ പോലീസ് സം?ഘവും എത്തിയാണ് ബോബി ചെമ്മണ്ണൂരിനെ കസ്റ്റഡിയിലെടുത്തത്. ബോബിയെ കൊച്ചിയിലേക്ക് കൊണ്ടുപോകുമെന്ന് വയനാട് എസ്പി പറഞ്ഞു.
ബോബി ചെമ്മണൂര് തുടര്ച്ചയായി അശ്ലീല അധിക്ഷേപങ്ങള് നടത്തിയെന്നാരോപിച്ച്പരാതി നല്കിയശേഷം നടി തന്നെയാണ് ഇത് സാമൂഹികമാധ്യമത്തിലൂടെ വെളിപ്പെടുത്തിയത്. ”താങ്കളുടെതന്നെ മാനസികനിലയുള്ള കൂട്ടാളികള്ക്കെതിരേയുള്ള പരാതികള് പുറകെയുണ്ടാകും. താങ്കള് താങ്കളുടെ പണത്തിന്റെ ഹുങ്കില് വിശ്വസിക്കൂ. ഞാന് ഭാരതത്തിലെ നിയമവ്യവസ്ഥയുടെ ശക്തിയില് വിശ്വസിക്കുന്നു” -അവര് സാമൂഹികമാധ്യമത്തില് കുറിച്ചു. മാസങ്ങള്ക്കുമുന്പ് രണ്ട് ഷോപ്പുകളുടെ ഉദ്ഘാടനങ്ങള്ക്ക് നടി വന്നിരുന്നുവെന്ന് ബോബി ചെമ്മണൂര് പറഞ്ഞു. ആഭരണങ്ങള് ധരിച്ച് മോഡലിങ്ങൊക്കെ ചെയ്ത് അവര് നൃത്തം ചെയ്തിരുന്നു. പോസിറ്റീവായി ഞാനൊരു പരാമര്ശം നടത്തി. കുറേപ്പേര് അത് ദ്വയാര്ഥത്തില് ഉപയോഗിച്ചു. അവര്ക്കത് ഡാമേജായി, വിഷമമായി. അതില് എനിക്കും വിഷമമുണ്ട്. ഞാന് മനപ്പൂര്വം ഒരാളോടും ഇങ്ങനെയൊന്നും ചെയ്യില്ല. തമാശയ്ക്ക് എന്തെങ്കിലുമൊക്കെ പറയും. മാര്ക്കറ്റിങ്ങിന്റെ ഭാഗമായിട്ടായിരുന്നു അതെല്ലാമെന്നും ബോബി പറഞ്ഞിരുന്നു.