പെരിയ:ദേവീചൈതന്യം കുടികൊള്ളുന്ന പ്രസിദ്ധമായ അരവത്ത് ശ്രീ വയലപ്രം തറവാടില്‍ ശുദ്ധികലശവും,കളിയാട്ട മഹോല്‍സവവും വിവിധ പരിപാടികളോടെ ആഘോഷിക്കും.കളിയാട്ടത്തിന് മുന്നോടിയായി മാര്‍ച്ച് 30,31(മീനം 16,17) തീയ്യതികളില്‍ ശുദ്ധികലശം നടക്കും, അരവത്ത് ബ്രഹ്‌മശ്രീ പത്മനാഭന്‍ തന്ത്രികള്‍ മുഖ്യ കാര്‍മ്മീകത്വം വഹിക്കും.കലശമഹോല്‍സവത്തിന്റെ ഭാഗമായി മാര്‍ച്ച് 30 ന് രാവിലെ 10 മണിക്ക് കലവറനിറയ്ക്കല്‍ ഘോഷയാത്ര നടക്കും. മാര്‍ച്ച് 31 ഞായറാഴ്ച്ച രാവിലെ താന്ത്രീക കര്‍മ്മങ്ങള്‍,ശുദ്ധികലശപൂജ എന്നിവയും ഉച്ചയ്ക്ക് ഒരു മണിക്ക് നടക്കുന്ന അന്നദാനത്തോടുകൂടി ശുദ്ധികലശമഹോല്‍സവം സമാപിക്കും.
കളിയാട്ട മഹോത്സവം ഏപ്രില്‍ 23,24,25 എന്നീ തീയ്യതികളില്‍ വിവിധ പരിപാടികളോടെ കെണ്ടാടും.23 ന് രാവിലെ മുതല്‍ വിവിധ പൂജാദി കര്‍മ്മങ്ങളോടെ പ്രതിഷ്ഠാദിനം ആരംഭിക്കും. 24 ന് വൈകീട്ട് 6 മണിക്ക് സര്‍വൈശ്വര്യ വിളക്കു പൂജ,ഭജന എന്നിവ നടക്കും.രാത്രി 8 മണിക്ക് തെയ്യം കൂടല്‍:വിഷ്ണുമൂര്‍ത്തി,പടിഞ്ഞാറ്റയില്‍ ചാമുണ്ഡി,മൂവാളംകുഴി ചാമുണ്ഡി എന്നീ തെയ്യങ്ങളുടെ തിടങ്ങല്‍ തുടര്‍ന്ന് അന്നദാനം.രാത്രി 12 മണിക്ക് പൊട്ടന്‍ തെയ്യത്തിന്റെ പുറപ്പാട്.
ഏപ്രില്‍ 25ന് രാവിലെ 10 മണിക്ക് വിഷ്ണുമൂര്‍ത്തി,പടിഞ്ഞാറ്റയില്‍ ചാമുണ്ഡിയമ്മ തെയ്യങ്ങളുടെ പുറപ്പാട്.
ഉച്ചയ്ക്ക് 1 മണിക്ക് അന്നദാനം.2 മണിക്ക് മൂവാളംകുഴി ചാമുണ്ഡിയമ്മയുടെ പുറപ്പാട് 5 മണിക്ക് ഗുളികന്‍ ദൈവങ്ങളുടെ പുറപ്പാട് തുടര്‍ന്ന് വിളക്കിലരിയോട് കൂടി കളിയാട്ട മഹോത്സവം സമാപിക്കും.
തുലാഭാരം,നേര്‍ച്ച സമര്‍പ്പണം എന്നിവ മുന്‍കൂട്ടി അറിയിക്കേണ്ടതാന്നെന്ന് ഭാരവാഹികള്‍ അറിയിച്ചു.
ഫോണ്‍:9745413916,9495066155.