വെള്ളരിക്കുണ്ട്: അടയ്ക്കയും റബര്‍ ഷീറ്റും കവര്‍ന്ന കേസില്‍ രണ്ടുപേരെ വെള്ളരിക്കുണ്ട് പോലീസ് അറസ്റ്റ് ചെയ്തു.
പുങ്ങംചാല്‍ കൊടിയംകുണ്ടിലെ നിതീഷ് ജോണ്‍ (34) , പള്ളിക്കര ഇല്യാസ് നഗറിലെ ബുര്‍ഹാനുദ്ദീന്‍ (25) എന്നിവരെയാണ് വെള്ളരിക്കുണ്ട് സര്‍ക്കിള്‍ ഇന്‍സ്പക്ടര്‍ എം വി ഷീജു അറസ്റ്റ് ചെയ്തത്.
ഈ മാസം രണ്ടിനാണ് ആനമഞ്ഞളില്‍ മെല്‍ബണ്‍ സെബാസ്റ്റ്യ ഗോഡൗണ്ടില്‍ നിന്നും അടക്കയും റബ്ബറും കവര്‍ന്നത്. മോഷ്ടിച്ച 69 കിലോ അടക്ക കുണ്ടംകുഴിയില്‍ കെ ജി ആര്‍ മലഞ്ചരക്ക് കടയില്‍ നിന്നും പോലീസ് കണ്ടെടുത്തു. റബര്‍ ഷീറ്റ് പെരിയയിലാണ് വില്‍പ്പന നടത്തിയത്.