നീലേശ്വരം: മധുരിക്കും ഓര്‍മ്മകളുമായി നാലുപതിറ്റാണ്ടിനുശേഷം സഹപാഠികള്‍ വീണ്ടും ഒത്തുകൂടിയത് നവ്യാനുഭവമായി മാറി. നീലേശ്വരം രാജാസ് ഹയര്‍സെക്കണ്ടറി സ്‌കൂളിലെ 84-85 എസ്എസ്എല്‍സി ബാച്ച് സഹപാഠി-85 ആണ് വീണ്ടും ഒത്തുകൂടിയത്. കോട്ടപ്പുറം നഗരസഭ മിനി ടൗണ്‍ഹാളില്‍ നടന്ന ഒത്തുചേരലില്‍ പ്രസിഡണ്ട് സേതുബങ്കളം അധ്യക്ഷനായി. നീലേശ്വരം പ്രസ്ഫോറം പ്രസിഡണ്ടായി തിരഞ്ഞെടുത്ത സേതുബങ്കളം, രാജാസ് ഹയര്‍സെക്കണ്ടറി സ്‌കൂള്‍ പിടിഎ പ്രസിഡണ്ടായി തിരഞ്ഞെടുത്ത വിനോദ് അരമന എന്നിവരെ അനുമോദിച്ചു. പി.സി.അഷ്റഫ്, ചിത്രകലാചന്ദ്രന്‍, മധുകരിപ്പോത്ത്, എ.രമണി, പി.വി.ഗീത തുടങ്ങിയവര്‍ സംസാരിച്ചു. സെക്രട്ടറി സുധീര്‍കുമാര്‍ സ്വാഗതവും ട്രഷററര്‍ മധുസംഗീത നന്ദിയും പറഞ്ഞു. പുതിയ ഭാരവാഹികളായി ചിത്രകലാ ചന്ദ്രന്‍(പ്രസിഡണ്ട്), പി.സി.അഷ്റഫ്, മധു കരിപ്പോത്ത്(വൈസ് പ്രസിഡണ്ടുമാര്‍), സേതു ബങ്കളം(സെക്രട്ടറി), സി.കെ.ചന്ദ്രന്‍, എ.രമണി(ജോയിന്റ് സെക്രട്ടറിമാര്‍), മധു സംഗീത(ട്രഷറര്‍). ചടങ്ങില്‍ സഹപാഠികള്‍ വിവിധ കലാപരിപാടികളുംഅവതരിപ്പിച്ചു.
Saturday, May 17, 2025